Am 19. August 2022 treffen sich die Hornusser-Veteranen aus der ganzen Schweiz zu einem einmaligen Veteranenfest ist Rüderswil.
Normalerweise werden die Veteranentage jeweils intern durch die Zweckverbände durchgeführt. Nicht im Jahr 2022, da werden die Oldies ihr Können zusätzlich im Emmental zum Besten geben. Im Rahmen des Emmentalischen Hornusserfestes in Rüderswil wird nebst dem sportlichen Ehrgeiz auch das gemütliche Zusammensein nicht zu kurz kommen. Erinnerungen austauschen und unbekümmert ein paar fröhliche Stunden geniessen, das sind die Ziele dieses Veteranenfestes.
Fragen wir doch den Initiator dieses Anlasses, nämlich den Emmentalischen Veteranenobmann, Wägi Bänz, selbst:
Was ist der Auslöser für diese besondere Idee?
Im Jahr 2021 hett dr Ämmitalisch Hornusserverband ds 100-jährige Jubiläum chönne fiire. Zu däm Fescht ha ig vorgseh, aui Veterane vo dr Schwyz zu me Veteranetag yzlade. Leider hett Corona-Situation das ni erloubt, Drum hole ig das i däm Jahr zur Würdigung vom EMHV-Jubiläum nache.
Warum alle Veteranen aus der Schweiz?
Viu Hornusser us em Ämmitau sy us bruefleche oder private Gründ abgwanderet i di umliegende Zwäckverbänd. Itz hei die Glägeheit, wieder einisch zrugg z’cho u sech mit ehemalige Kollege u Kamerade im e friedliche Wettkampf z’mässe. Das isch nöi u einmalig.
Wie sind die Reaktionen aus den Hornusserkreisen?
D’Rückmäudige sy sehr positiv. Die erschte Amäudige sy poschtwändend ytroffe. Zu däm ha ig d’Ungerstützig vom Zäntrauvorstand übercho. Das fröit‘mi sehr u schtimmt‘mi zueversichlich.
Wie viele Veteranen erwartest du in Rüderswil?
Nach Etat chönnte’sech über tuusig Veterane aamäude. Ig gah drvo us, dass öppe sächshundert wärde üf Rüderswil cho.
Ist die Infrastruktur für einen solchen Anlass vorhanden?
Am ämmitalische Hornusserfescht wärde 22 Ries ussteckt. Natürlech ghört o es grosses Feschtzäut mit de entschprächende Yrichtige drzue. Das isch ämmitalische Schtandard.
Gib es besondere Regelungen?
Es git kener bsungerige Regelig; dr Modus vom Ämmitai, nämlech zwöi Auterskategorie, giut. We’sech aber gnue spielendi 80-jähregi Veterane amäude, mache ig müglicherwis e zuesätzlechi Kategorie.
Gibt es spezielle Herausforderungen für diesen Anlass?
Die gröschti Herusforderig wird sy, usglicheni Mannschafte chönne zämeschteue. D’Grössi vo de Mannschafte isch wiederum abhängig vo de Amäudige. Nachhär müesse Schlegerlischte erschteut wärde. Ou d’Verpflegig vo de Veterane wird’me guet müesse düredäiche.
Wie sieht das Programm aus?
10.00 Uhr Rapport vo de Rieschef. Pro Ries isch e Rieschef im Ysatz u die wärde d’Lischte schribe.
11.00 Uhr Böllerschuss. 4 Ries, 2×2 Streiche us em gliche Schtang.
Vor dr Rangverkündigung wärde die 80-jährige u eutere Veterane us aune Zwäckverbänd gehrt.
Gibt es spezielle Momente?
Dr schönscht Moment isch Tatsach, dass sech aui „Oldtimer“ vo dr Schwyz im e friedliche Wettkampf chöi mässe u zäme fiire. Sicher isch i der einte oder angere Chuchi no es Überraschigs-Süppli über em Füür.
Was soll der Teilnehmer als Erinnerung an das Emmental mitnehmen?
Positivi u erfröilechi Erinnerige a’nes einmaligs Fescht bi üs im Ämmitau!
Danke, Wägi Bänz, für das offene und angenehme Interview. Wir wünschen dir und den Veteranen viel Erfolg, Freude, Vergnügen, und ein wunderschönes friedliches Fest!
Interview: 10. April 2022 Werner Leuenberger
