Am Summernachts Hornussen nähme chlini 4er Gruppe teil.
Die 4er Gruppe wärdä für d Vorrundi i 2-3 Mannschafte iteilt.
Jedä Spiler u jedi Spilerin mues när ä Asag mache, wie viu Schlagpunkt das erzielt wärde.
Mit drü Mannschafte gits ä Turnus wo jedi Mannschaft einisch duet Schla, im Ries isch und ei Umgang Pouse het. Bi zwöi Mannschaft gits eh normale Umgang.
I dere Vorrundi geits für jede Hornusser und jedi Hornusserin drum, müglechst gnau ah die agseite Schlagpunkt härä ds cho. Im beste Fall wärdä 0 Differenzpunkt für die eigeti 4er Gruppe gsammlet.
D Differänzpünkt vo aune Gruppemitglider wärde de zume Gruppetotal addiert. Die einzelne Gruppemitglider chöi sich nid gägäsitig usgliche. Differenz isch Differenz glich ob Plus oder Minus.
Die beste Gruppe, mit de töifste Differänzpünkt chöme nachem Znacht i Finau wo mir när ar Dunkuheit düe trotze und d Siegergruppe im fistere küre.
Aber oh füre Titu «Summernachts Champions 2023» mues wider guet agseit wärde. Oh ir Finalrundi giutet wider, Asäge und müglechst weni Differenz mache.